Ji gelê me û raya giştî re
Di çarçoveya xebatên me yên berdewam de ji bo têkoşîna li dijî madeyên hişbir û parastina ewlehî û aramiya civaka me, hêzên dijî madeyên hişbirê ya Bakur û Rojhilatê Sûriyê bi desteserkirina barekî mezin bi qasî 2,765,000 hebên Kaptagon, destkeftiyeke ewlehî ya taybet bi dest xist.
Ev prose taybet piştî şopandinek berdewam hat û li ser bingeha zanyariyên rast derbarê hewldana veguhestina hejmareke mezin ji hebên hişbirê bo bajarê Qamişlo yê Kantona Cizîrê, piştî ku ew ji welatekî cîran bi armanca bazirganiyê hatin anîn.
Prose roja Duşemê nîvê şevê pêk hat, dema ku hêzên me ligel hêzên operasyonê li taxeke bajarê Qamişlo kemînek danîbûn, Dema erebeya gumanbar digihêje, yekser hat rawestandin û piştî lêgerîneke berfireh, bar di nav tûrên piçûk di hundirê erebeyê û cihê armanckirî de veşartî hate dîtin, ku yek ji mezintirîn binxistina ji bo bazirganên madeyên hişbir li herêmê nîşan dide.
Her wiha Hejmarek mezin ku 2,765,000 hebên Kaptagon hate desteserkirin, û 2 kesên ku endamên sereke yên tora bazirganê madeyên hişbir li kantona Cizîrê têne hesibandin, hatin girtin.
Em îradeya xwe ya tam ji bo têkoşîna li dijî her cûreyên tawanan, bi taybetî qaçaxçiya madeyên hişbirê, ku armanca wê tunekirina pêşeroja ciwanên me û têkbirina nirxên bingehîn ên civaka me ye, piştrast dikin. Her wiha em tekez dikin ku ev operasyon beşeke ji xebatên me yên domdar û dorveger ên ji bo têkoşîna li dijî vê belaya metirsîdar temsîl dike.
Em bang li welatiyan dikin ku xwe ji ceribandinên ku ji hêla firoşkarên madeyên hişbirê ve têne pêşkêş kirin dûr bixin.
Her wiha em spasiya hemû endam û beşên xwe dikin ku hewldanên awarte ji bo bidestxistina vê destkeftiya ewlehî ya taybet kirine, û em soz didin gelê xwe ku em dê berdewam bin ji bo parastina ewlehiya wan û avakirina paşerojeke baştir ji bo zarokên xwe.
Fermandariya Giştî ya Hêzên Ewlekariya Hundirîn – Herêma Bakur û Rojhilatê Sûriyê
Sêşem, 25 Adar, 2025
