Fakulteya Ş Tolhildan a zanistên polîsî dewreya 3`mîn a efseran bi navê Ş Melka Ayêd, der kir.
Fermandarê QSD`ê Mezlûm Ebdî, fermandariya hêzên ewlekariya hundirîn, şandeyeke rêveberiya xweser û nûnerên meclisa malbatên şehîdan, di derçûnê de amade bûn.
Efserên derçûyî bi mûzîka koma protokolê derbasî merasîma leşkerî bûn, û piştra soza derçûnê xwendin.
Her wiha fermandariya hêzên ewlekariya hundirîn hejmarek efserên xwe wek serleşker ango lîwa diyar kirin.
Fermandarê QSDê payeyên leşkerî bi efseran û lîwa`an xist.
Ebdî got, hêzên ewlekariya hundirîn karekî girîng ji bo aramiya bakur rojhilatê Sûriyê dikin, û bal kişand ser erkên giran ên li ser milê efserên vê dewreyê.
Dewreya akademiya zanistên polîsî ya 3`an ji 228 efseran pêk hat, û 6 mehan bi waneyên qanûnî û ramyarî û leşkerî dewam kir.
Cîgirê hevserokatiya encûmena cibcîkar a rêveberiya xweser, derçûna efseran pîroz kir û qurbaniyên asayîşê yên ji bo parastina nirxên şoreşê bibîr anî.
Hat gotin pir girîng e ku waneyên perwerdeyê di pratîkê de werin bikaranîn.
Hevserokê desteya hundirîn a rêveberiya xweser, spasiya keda serxistina vê dewreyê kir, û got ew soz didin ku dê ji bo civakeke ewle û aram asta kar bilind bikin.
Di dawiya merasîmê de malbata Ş Melka Ayêd derçûn li hevalên keça xwe pîroz kirin, û gotin Melka di wijdanê hevalên xwe de sax û zindî ye.
